As II Xornadas SOGAFI terán lugar os días 22 e 23 de outubro de 2021 no Hospital Universitario de A Coruña. Este ano o tema central é o exercicio terapéutico como elemento clave da intervención de fisioterapia en distintos eidos, tanto hospitalario como en atención comunitaria, para mellorar a saúde da poboación.

​

O venres 22 de outubro pola tarde levaranse a cabo os obradoiros prácticos impartidos por Dna. Clara Bergé Ortínez, D. Fernando Ramos Gómez e Dra. Cristina Roldán Jiménez, de forma rotatoria para que sexa posible asistir a todos.

​

O sábado 23 de outubro presentarase a Xornada e se inician as mesas, comezando pola centrada na Atención Hospitalaria, que leva o título "Entrenando en planta: Hospitales activos". Continúa cunha clase maxistral acerca do enfoque de fisioterapia no paciente con COVID persistente a cargo del Dr. Antonio Cuesta Vargas, para seguir coas mesas de Saúde Comunitaria: "Superando os métodos: Fisioterapia baseada na evidencia con Exercicio Terapéutico" e "Tratamento con adestramento: experiencias clínicas en Fisioterapia Comunitaria". Finalmente levarase a cabo a mesa de Conclusións e a continuación o acto de Clausura.  

​

Esta actividade formativa foi acreditada por la Comisión de Formación Continuada de las Profesiones Sanitarias de la Comunidad Autónoma de Galicia con 0.6 créditos para os tres obradoiros para as categorías Dip./Grao en Fisioterapia e Lic./Grao en Medicina; e 0.8 créditos para as Xornadas do sábado para as categorías de Dip./Grao en Fisioterapia, Dip./Grao en Enfermería, e Lic./Grao en Medicina.